Á síðasta sólarhring greindust 86 með ný smit COVID-19 innanlands. Þetta er mesti fjöldi sem greinist síðan 13. október. 72% nýrra smita voru í sóttkví sem verður að teljast ánægjuleg þróun. 3052 sýni voru tekin samtals og er það mesti fjöldi sýna sem tekinn hefur verið á einum sólarhring síðan 12. október.
59 greindust eftir einkennasýnatöku, 26 í sóttkvíar- og handahófsskimunum og einn greindist hjá Íslenskri erfðagreiningu. Tuttugu og eitt smit greindust á landamærunum, sem er jafn mikið og greindist 18. október sem er hæsta tala síðan í sumar.
1.062 einstaklingar eru nú í einangrun og 1.667 eru í sóttkví.
Upplýsingafulltrúi almannavarna segir ólíklegt að boðað verði til aukafundar almannavarnadeildar ríkislögreglustjóra í dag vegna fjölgunar smita. Næsti áætlaði fundur er klukkan 11:00 á morgun.