Manntjón varð í brunanum í uppsveitum Borgarfjarðar í gær. Segir í tilkynningu lögreglu að allt lið slökkviliðs Borgarfjarðar hafi verið kallað út eftir að tilkynnt var um lausan eld í íbúðarhúsi í Hálsasveit í Borgarfirði á sunnudagskvöldið. Er slökkviliðið mættu á staðinn var húsið alelda.
Aðstæður voru erfiðar, að því er segir í tilkynningunni, en um þrjár klukkustundir tók að ná tökum á eldinum. Lauk slökkvistarfi um kl. 23 í gærkvöldi. Að sögn lögreglunnar á Vesturlandi er húsið gjörónýtt.
Konan sem lést var eina manneskjan í húsinu er eldurinn kom upp. Lögregla gefur ekki frekari upplýsingar að svo stöddu annað en að rannsókn sé á frumstigi og nýtur Lögreglan á Vesturlandi aðstoðar tæknideildar lögreglunnar á Höfuðborgarsvæðinu við rannsókn málsins.
Aðeins er rúm vika liðin frá því að maður lést í húsbílabruna í Grafningi í Árnessýslu.