fbpx
Þriðjudagur 27.október 2020
Fréttir

Fór í mál við Breiðholtsskóla af því hún var látin hætta störfum er hún varð sjötug

Ágúst Borgþór Sverrisson
Miðvikudaginn 14. október 2020 17:35

Breiðholtsskóli. Mynd: Ernir

Ekki missa af Helstu tíðindum dagsins í pósthólfið þitt

Lesa nánar

Kona sem starfaði sem kennari við Breiðholtsskóla var ósátt við að hafa verið látin hætta störfum er hún hafði náð sjötugsaldri en það var í samræmi við gildandi kjarasamning. Konan var við góða heilsu og hafði mikla ánægju af starfinu. Reyndi hún með skriflegum óskum að fá starfsferil sinn framlengdan en skólastjóri varð ekki við því.

Konan höfðaði mál fyrir Héraðsdómi Reykjavíkur vegna þess og krafðist 1,5 milljóna króna í skaðabætur. Kröfu sína reisti hún meðal annars á því að ákvæði kjarasamningsins hefðu minna vægi en ákvæði stjórnarskrár um atvinnufrelsi, mannréttindi og eignarrétt. Einnig bryti ákvörðunin gegn jafnræðisreglu stjórnarskráinnar en eini munurinn á konunni og samkennurum hennar hefði verið aldursmunur.

Skólinn reisti meðal annars vörn sína á réttinum til að endurnýja í kennaraliði.

Í sem stystu máli var það ákvörðun héraðsdóms að ákvæði kjarasamningsins sem í gildi var um hámarksaldur kennara væri í samræmi við lög sem gilda um vinnumarkað. Í dómnum segir meðal annars:

„Að því er varðar þá málsástæðu stefnanda að ákvæði gr. 14.9 í kjarasamningnum um starfslok kennara við 70 ára aldur eigi sér ekki stoð í ákvæðum laga, þá segir í 1. mgr. 11. gr. laga nr. 91/2008, um grunnskóla, sem í gildi voru þegar atvik þessa máls áttu sér stað,að þar fari um ráðningu starfsfólks grunnskóla eftir ákvæðum sveitarstjórnarlaga og nánari fyrirmælum í samþykkt um stjórn sveitarfélags eftir því sem við eigi. Í 1. mgr. 57. gr. sveitarstjórnarlaga nr. 128/2011 er mælt fyrir um að starfs kjör, réttindi og skyldur starfsmanna sveitarfélaga fari eftirákvæðum kjarasamninga hverju sinni og ráðningarsamninga.“
Var Breiðholtsskóli sýknaður af kröfum óánægða kennarans. Dóminn, sem er ítarlegur og tekur á ýmsum röksemdum og samanburði á reglum, lögum og stjórnarskrá, má lesa hér.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Útlendingastofnun frábiður sér ásakanir hælisleitenda um slæma meðferð

Útlendingastofnun frábiður sér ásakanir hælisleitenda um slæma meðferð
Fréttir
Í gær

Opinbera hræðilegt ástand á Suðurnesjum – Segja að honum hafi verið neitað um mat í þrjá daga – „Við erum að þjást“

Opinbera hræðilegt ástand á Suðurnesjum – Segja að honum hafi verið neitað um mat í þrjá daga – „Við erum að þjást“
Fréttir
Fyrir 3 dögum

Ína lýsir stöðunni í Ameríku – „Þetta var alveg ótrúlegt ástand“

Ína lýsir stöðunni í Ameríku – „Þetta var alveg ótrúlegt ástand“
Fréttir
Fyrir 3 dögum

COVID-19 smit á Vogi – Fann fyrir einkennum eftir skimun

COVID-19 smit á Vogi – Fann fyrir einkennum eftir skimun
Fréttir
Fyrir 3 dögum
76 ný COVID-19 smit