fbpx
Þriðjudagur 27.október 2020
Fréttir

Bílasmiðurinn sem elskaði náttúruna – „Hann var bara yndislegur drengur“

Ágúst Borgþór Sverrisson
Miðvikudaginn 14. október 2020 15:57

Einar Jónsson og hundarnir hans þrír. Samsett mynd. Myndefni af Facebook.

Ekki missa af Helstu tíðindum dagsins í pósthólfið þitt

Lesa nánar

Einar Jónsson, 38 ára gamall maður sem lést í hörmulegu slysi er bruni varð í húsbíl hans síðastliðið föstudagskvöld, var vinmargur, vinsæll og afar hjálpsamur maður. „Hann var umfram allt vinur vina sinna,“ segir Jón Einarsson sem syrgir son sinn sárt en þeir voru mjög nánir.

Einar bjó í húsbíl en það var til marks um nána tengingu hans við náttúruna. „Hann unni náttúrunni og bar mikla virðingu fyrir henni,“ segir Jón en náttúrueðli Einars varð sífellt meira áberandi á seinni árum.

„Hann var barnabarn Ástu Erlingsdóttur grasalæknis og þeim þótti mjög vænt hvoru um annað. Í æsku týndi hann grös með ömmu sinni, stjúpafa og mér,“ segir Jón.

Nánir vinir Einars komu saman hjá föður hans í gærkvöld og minntust Einars. Bar þeim saman um að hann hafi verið ákaflega traustur vinur og alltaf fyrstur á vettvang til að hjálpa vinum sínum. „Það var tröppugangur í lífi hans eins og annarra en vinir hans eru sammála um að það hafi alltaf verið stutt í brosið,“ segir Jón og fer nokkrum orðum um hvað sonur hans var vel liðinn í vinnu:

Einar var bílasmiður og var þekktur fyrir einstaka aðlúð við störf sín. „Hann var fagmaður fram í fingurgóma. Hann starfaði sem bílasmiður hjá GB réttingum á Draghálsi og var gjarnan settur í vandasama bíla eins og Porsche, lögreglubíla og Volvo X99. Hann starfaði líka við sprautanir hjá ÁB áður en þeir runnu inn í Toyota og þar inni vildu sprautararnir alltaf að hann raðaði saman fyrir sig því hann rispaði aldrei neitt. Hann var mjög vandvirkur, útsjónarsamur og góður verkmaður. Svo var hann góður strákur, hann var bara yndislegur drengur,“ segir Jón.

„Ungir menn fara sínar leiðir en virðing fyrir náttúrunni og virðing fyrir náunganum voru mjög áberandi þættir í fari Einars,“ segir Jón ennfremur og bendir á að bíladellukarlinn og náttúruunnandinn hafi átt gott samlífi í syni sínum.

Jón segir að allt bendi til að hörmulegt slys út frá gashitara hafi orðið banamein sonar hans. Núna er fjölskyldan að leita fyrir sér varðandi prest og kirkju og kemur sú ráðstöfun í ljós fljótlega. Aðeins 50 manns mega vera viðstödd útförina, að presti, meðhjálpara og kór meðtöldum, en unnið er að lausnum til að sem flestir sem þekktu til Einars geti kvatt hann hinstu kveðju.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 23 klukkutímum

Útlendingastofnun frábiður sér ásakanir hælisleitenda um slæma meðferð

Útlendingastofnun frábiður sér ásakanir hælisleitenda um slæma meðferð
Fréttir
Fyrir 23 klukkutímum

Opinbera hræðilegt ástand á Suðurnesjum – Segja að honum hafi verið neitað um mat í þrjá daga – „Við erum að þjást“

Opinbera hræðilegt ástand á Suðurnesjum – Segja að honum hafi verið neitað um mat í þrjá daga – „Við erum að þjást“
Fréttir
Í gær

Þrettán af nítján íbúum smitaðir auk fjögurra starfsmanna

Þrettán af nítján íbúum smitaðir auk fjögurra starfsmanna
Fréttir
Fyrir 2 dögum

Þórólfur óttast frekara smit

Þórólfur óttast frekara smit
Fréttir
Fyrir 2 dögum

Ína lýsir stöðunni í Ameríku – „Þetta var alveg ótrúlegt ástand“

Ína lýsir stöðunni í Ameríku – „Þetta var alveg ótrúlegt ástand“
Fréttir
Fyrir 2 dögum

COVID-19 smit á Vogi – Fann fyrir einkennum eftir skimun

COVID-19 smit á Vogi – Fann fyrir einkennum eftir skimun
Fréttir
Fyrir 3 dögum

Fjögur ungmenni flutt á bráðadeild eftir umferðarslys í Kópavogi

Fjögur ungmenni flutt á bráðadeild eftir umferðarslys í Kópavogi
Fréttir
Fyrir 3 dögum

Draugur 2016-klúðurs Demókrata vofir enn yfir kosningunum

Draugur 2016-klúðurs Demókrata vofir enn yfir kosningunum