Spænskir fjölmiðlar greindu frá því í gær að tveir Íslendingar hefðu verið settir í einangrun á Alicante vegna gruns um kórónaveirusmit. Svo er ekki og hafa þeir fengið leyfi til að fara heim.
Frá þessu er greint á vef RÚV.
Í fréttum spænskra fjölmiðla kom fram að konan, sem er á sjötugsaldri, hafi áður verið á ferðalagi um Kína og hún hafi leitað til læknis vegna hita. Í frétt RÚV kemur fram að íslenskur maður á sextugsaldri hafi ekið konunni á sjúkrahús en sjálfur var hann einkennalaus.
Yfirvöld víða um heim eru með talsverðan viðbúnað vegna kórónaveirunnar enda hafa yfir hundrað dauðsföll verið staðfest af völdum hennar.