Maður var fyrir helgi dæmdur í þriggja ára fangelsi fyrir gróf kynferðisbrot gegn dóttur sambýliskonu sinnar og tvö önnur afbrot. Maðurinn hafði áður verið sýknaður í Héraðsdómi fyrir þessi kynferðisbrot en sakfelldur fyrir að hafa skoðað barnaklám í síma sínum og fyrir vörslu á kókaíni.
Maðurinn var ákærður fyrir að hafa í janúar og febrúar árið 2017 sleikt kynfæri stúlkunnar og stungið fingri í leggöng hennar og enadaþarm. Er hann sagður hafa nýtt sér yfirburði sína gegn stúlkunni og traust hennar og trúnað til hans.
Önnur liður ákærunnar varðar skoðun mannsins á myndum af börnum í klámfengnum aðstæðum sem hann skoðaði í síma sínum.
Þriðji liðurinn varðar vörslu á fíkniefnum.
Stúlkan sagði móður sinni frá ofbeldinu og var vitnisburður þeirra beggja var lagður til grundvallar í dómnum. Maðurinn neitaði hins vegar sök.
Maðurinn var fundinn sekur og dæmdur í þriggja ára fangelsi. Hann var enn fremur dæmdur til að greiða allan sakarkostnað, samtals tæpar fimm milljónir króna.