Þriðjudagur 25.febrúar 2020
Fréttir

Vilhjálmur afhjúpar siðlaust bréf til íbúa Holtsflatar 8

Ritstjórn DV
Föstudaginn 24. janúar 2020 15:07

Ekki missa af Helstu tíðindum dagsins í pósthólfið þitt

Lesa nánar

Vilhjálmur Birgisson, formaður Verkalýðsfélags Akraness, segir að íbúar Holtsflatar 8 hafi á dögunum fengið siðlaust bréf frá leigufélaginu Heimavellir. Íbúum hafi verið tilkynnt að leigusamningur þeirra hafi verið seldur. Vilhjálmur gagnrýnir þetta harðlega í færslu á Facebook.

„Það er óhætt að segja að leigufélagið Heimavellir hafi sent íbúum að Holtsflöt 4 hér á Akranesi afar hryssingslegt,nöturlegt og siðlaust bréf í upphafi nýs árs. En þann 6. janúar síðastliðinn fengu allar 18 fjölskyldur að Holtsflöt 4 sem sumar hverjar hafa leigt af Heimavöllum um langt skeið tilkynningu um að Heimavellir hafi selt allar íbúðirnar í einum pakka. Í tilkynningunni frá Heimavöllum kom fram að leigusamningar hafi verið seldir með, en nú hefur komið í ljós að nýju eigendurnir hafa ekki í hyggju að leigja þær áfram heldur fara þær allar í sölu,“ segir Vilhjálmur.

Hann segir í raun ekki við nýju eigendurna að sakast. „Áður en ég held áfram þá vil ég taka það fram að ekkert er við nýja eigendur að sakast, enda áttu þeir einungis í viðskiptum við Heimavelli með það að forgrunni að selja allar eignirnar. Nú hefur komið í ljós að þrjár fjölskyldur eru með tímabundna leigusamninga sem renna út 31. mars næstkomandi eða eftir rúma 2 mánuði og eru þessar fjölskyldur eðlilega í fullkomnu uppnámi vegna sinnar stöðu. Aðrir leigusamningar renna síðan út margir hverjir á næstu mánuðum. Hér eru 18 fjölskyldur sem eru að missa grunnstoð sína sem er að hafa þak yfir höfuðið, en heildarfjöldi þeirra sem búa í þessum 18 íbúðum eru um 60 manns,“ segir Vilhjálmur.

Hann segir þetta bæði siðlaust og ömurlegt. „Það er ömurlegt og gjörsamlega siðlaust að félag eins og Heimavellir sem keyptu íbúðir hér á Akranesi m.a. af Íbúðalánasjóði á sínum tíma og það á sérstökum sérkjörum skuli voga sér að skilja „viðskiptavini“ sína eftir í svartholi óvissunnar. En margir þeirra hafa leigt hjá Heimavöllum frá upphafi. Það er með hreinum ólíkindum að Heimavellir skuli ekki hafa séð sóma sinn í því að upplýsa sína leigjendur í tíma um áform sín þannig að þeir hefðu meiri tíma en rúma tvo mánuði til finna fjölskyldum sínum þak yfir höfuðið. Eða að tryggja með afgerandi hætti betri réttarstöðu þeirra sem hafa verið leigjendur hjá Heimavöllum um langahríð þegar gengið var frá sölu á þessum 18 íbúðum. Ekkert af þessu var gert og eru því 18 fjölskyldur skildar eftir nánast bjargarlausar „örfáum mínútum“ áður en þau eiga að tæma íbúðirnar!,“ segir Vilhjálmur.

Hann segir málið sorglegt. „Það sorglegasta í þessu öllu saman er að leigumarkaðurinn á Akranesi er gjörsamlega botnfrosinn, enda segir það sig sjálft þegar einn af stærstu leiguaðilunum hér á Akranesi hefur tekið ákvörðun um að selja nánast allar sínar leiguíbúðir og hætta starfsemi eins og Heimavellir hafa nú gert. Ég og bæjarstjórinn á Akranesi áttum fund með nýjum eigendum í vikunni þar sem við fórum yfir stöðuna, en ekki er við þá að sakast, enda liggur fyrir að þeirra viðskiptamódel gerir ráð fyrir því að selja sem flestar íbúðir hratt og vel. Ég hef haft samband við Heimavelli og gert alvarlegar athugsemdir við þessu vinnubrögð og það má vera að þau standist húsaleigulögin en eitt er víst að þessi vinnubrögð eru gjörsamlega síðlaus með öllu,“ segir Vilhjálmur.

Hann segir að Heimavellir hafi skömm fyrir þessa framkomu. „Þessi staða sýnir mikilvægi þess að skerpa þurfi enn frekar á húsaleigulögunum sem ég veit að verið er að gera og hef ég m.a. komið þessari ömurlegu stöðu íbúa að Holtsflöt 4 á framfæri við félagsmálaráðherra. Ég veit að bæjarstjórinn á Akranesi hefur eins og ég gríðarlegar áhyggjur af þessari stöðu sem upp er komin hjá íbúum að Holtsflöt, enda liggur fyrir að leiguíbúðir á Akranesi liggja ekki á lausu og því er staða þessa fólks ömurleg í alla staði og vonandi finnst í samráði við bæjaryfirvöld einhver lausn á þessu máli. En hafi Heimavellir skömm fyrir að koma svona fram við leigjendur sína til margra ára!“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Katrín í áfalli yfir ofbeldinu: „Við sem erum fullorðin hljótum og verðum að bregðast við“

Katrín í áfalli yfir ofbeldinu: „Við sem erum fullorðin hljótum og verðum að bregðast við“
Fréttir
Í gær

Íslendingar sagðir eiga heimsmet í verkföllum

Íslendingar sagðir eiga heimsmet í verkföllum
Fréttir
Fyrir 2 dögum

5 sem ættu að kynna stigin fyrir Ísland á Eurovision

5 sem ættu að kynna stigin fyrir Ísland á Eurovision
Fréttir
Fyrir 2 dögum

Þórarinn segir íbúa kolbrjálaða út í Dag: „Ég veit svo sem til þess að við heimili þitt að Óðinsgötu ert þú með einkastæði“

Þórarinn segir íbúa kolbrjálaða út í Dag: „Ég veit svo sem til þess að við heimili þitt að Óðinsgötu ert þú með einkastæði“
Fréttir
Fyrir 3 dögum

Refsing þyngd yfir Inga Páli Bollasyni sem réðst á fjögurra ára gamalt barn – „Mér þykir þetta ótrúlega vægur dómur“

Refsing þyngd yfir Inga Páli Bollasyni sem réðst á fjögurra ára gamalt barn – „Mér þykir þetta ótrúlega vægur dómur“
Fréttir
Fyrir 3 dögum

Björn Ingi tjáir sig um dóm Héraðsdóms Vesturlands – Var dæmdur til að greiða þrotabúi Pressunnar 80 milljónir

Björn Ingi tjáir sig um dóm Héraðsdóms Vesturlands – Var dæmdur til að greiða þrotabúi Pressunnar 80 milljónir