Lögreglan á höfuðborgarsvæðinu hafði afskipti af sjö erlendum einstaklingum við verslunarmiðstöð í Mjóddinni í gærkvöldi. Tilkynning um málið barst klukkan 20:43 en þrír af þessum einstaklingum eru grunaðir um þjófnað og voru stöðvaðir í versluninni. Það var þá sem hin fjögur komu inn í málið, en ekki kemur fram í skeyti lögreglu hver aðkoma þeirra var. Allir sjö voru færðir á lögreglustöð þar sem unnið var úr málinu með aðstoð túlks.

Annars virðist gærkvöldið og nóttin hafa verið tíðindalítil hjá lögreglunni á höfuðborgarsvæðinu. Einn ökumaður var stöðvaður í Garðabæ í gærkvöldi, en sá er grunaður um ölvun við akstur og akstur án gildra ökuréttinda.