Sjö manns voru flutt með tveimur þyrlum Landhelgisgæslunnar á Landspítala í gær eftir hópslys á Skeiðarársandi þar sem þeir bílar með níu manns innanborðs lentu í árekstri.

Enn dveljast fjögur af þessum sjö á gjörgæslu, þrjú börn og einn fullorðinn. Tvö barnanna eru alvarlega slösuð en þriðja mun minna. Hinir þrír einstaklingarnir voru í eftirliti á bráðamóttöku en af þeim voru tveir útskrifaðir í gærkvöld og einn er enn til eftirlits.

Þess má geta að við móttöku á hópnum skipti sköpum að fyrir skemmstu var tekin ákvörðun um að opna ný legurými á efri hæð bráðamóttöku Landspítala í Fossvogi. Af þeim sökum var hægt að takast á við slysið með eðlilegum hætti, að því er segir í tilkynningu frá Landspítalanum.