„Þessi fallegi kópur fannst í umdæminu nú í morgun. Móðir hans var hvergi sjáanleg og var því haft samband við Húsdýragarðinn,“ segir í skeyti sem lögreglan á Suðurnesjum birti á Facebook-síðu sinni nú í hádeginu.
Meðfylgjandi voru myndir af krílinu en ekki kemur fram hvar lögregla rakst á kópinn. Þó fylgir það sögunni að kópnum verði komið í hendur starfsmanna Húsdýragarðsins, en þar mun hann fá þá hjálp sem hann þarf.