Emanúel Aron Þórunnarson hefur verið ákærður fyrir tvær sérstaklega hættulegar líkamsárás sem áttu sér stað árin 2017 og 2018. Í báðum tilvikum sló hann drykkjaríláti úr glasi í höfuð viðkomandi og miðað við lýsingar í ákæru má telja líklegt að mennirnir hafi afmyndast á höfði.
Fyrra og alvarlegra atvikið átti sér stað í nóvember árið 2017 á Dönsku kránni. Þá ku hann hafa slegið karlmann með glerglasi í andlitið, svo glasið brotnaði við höggið. Því næst ku hann hafa slegið manninn tveimur til þremur hnefahöggum í andlitið svo hann féll í gólfið.
Afleiðingar þessa eru sagðar umtalsverðar og hlaut fórnarlambið slæm meiðsli í andliti og á höfði. Í ákæru segir að maðurinn hafi hlotið „marga skurði í andlit sem sauma þurfti með tuttugu og einu spori, það er þriggja sentímetra skurð hægra megin á enni, eins sentímetra skurð vinstra megin á enni, eins sentímetra skurð á nefi og þriggja sentímetra skurð yfir efri vör vinstra megin við miðlínu sem klauf vörina […] og innkýlt nefbrot vinstra megin sem gera þurfti að með nefréttingu.“
Hitt atvikið átti sér stað í Vestmannaeyjum í apríl árið 2018. Þar ku Emanúel Aron hafa slegið annan mann flötum lófa í andlitið og skömmu síðar slegið hann með glerflösku aftan á höfuðið. Maðurinn hlaut þriggja sentímetra langan og þriggja til fjögurra millimetra djúpan skurð á hnakka sem sauma þurfti með fjórum sporum.