Karlmaður á þrítugsaldri, Fannar Dan Vignisson, hefur verið ákærður fyrir sérstaklega hættulega líkamsárás sem ku hafa átt sér stað fyrir utan veitingastaðinn Hressó. Nokkuð langt er síðan þetta á að hafa gerst, eða sumarið 2016. Málið verður tekið fyrir á næstunni í Héraðsdómi Reykjavíkur.
Samkvæmt ákæru réðst Fannar á mann með hnefahöggum og spörkum. Hann er svo sagður hafa rifið hann niður í götuna. Eftir það er hann sakaður um að hafa traðkað að minnsta kosti tvisvar á andliti hans.
Samkvæmt ákæru hlaut maðurinn nefbrot og lausar tennur af völdum þessa. Til að bæta gráu ofan á svart þá fannst tæplega hálft gramm af kókaíni í vörslu hans við leit á lögreglustöðinni við Hverfisgötu í Reykjavík eftir að hann var handtekin vegna meintrar líkamsárásar.