Ökumaður sem var að aka inn í bílaþvottastöð í umdæmi lögreglunnar á Suðurnesjum í fyrradag ók á konu sem stóð þar á gólfinu. Ökumaðurinn kvaðst hafa ætlað að bremsa en ekki tekist þar sem bremsurnar virkuðu ekki eða vegna vætu á gólfinu. Sú sem ekið var á fann til eymsla og var flutt með sjúkrabíl á Heilbrigðisstofnun Suðurnesja. Nokkrar skemmdir urðu á húsnæðinu við þetta óhapp. Meðal annars gekk veggur innan dyra til og hurð brotnaði. Lögregla boðaði Vinnueftirlit ríkisins á staðinn.
Þetta kemur fram í tilkynningu frá Lögreglustjóranum á Suðurnesi. Þar segir einnig frá því óhappi að í vikunni lenti bíll á vegriði á Reykjanesbraut þegar ekið var fram úr honum og síðan sveigt fyrir hann. Hjólabúnaður bílsins festist í vegriðinu og varð að draga hana af vettvangi.