„Með fullri virðingu var þessi seinni hálfleikur liði og þjálfara til skammar. Skora 6 mörk og tapa hálfleiknum með 9 mörkum. Menn mega bara skammast sín fyrir svona frammistöðuleysi!“ skrifar Ólafur Arnarsson, hagfræðingur og fyrrverandi formaður Neytendasamtakanna, á Facebook-síðu sína eftir stórtap Íslands gegn Ungverjalandi.
Margir láta í sér heyra eftir leikinn í kvöld og núna fer fólk ekki lengur með himinskautum á þjóðarstoltinu. Sumir slá þó á létta strengi og blaðamaðurinn Jakob Bjarnar Grétarsson skrifar: „Vér FH-ingar lýsum yfir fullri ábyrgð á þessu tapi.“
Jakob hefur verið nokkuð gjarn á að eigna FH-ingum stóra hlutdeild í velgengni landsliðsins og þarna reynist hann samkvæmur sjálfum sér.
„Jamm. Hæpiđ í kringum strákana kom illa í bakiđ á þeim. Því miđur,“ skrifar Davíð Löve.
„Hver er sinnar gæfu smiður. Hvernig segir maður það á dönsku?“ skrifar Þráinn Hauksson og minnir þar á að það var hlutverk Dana að koma sjálfum sér áfram í milliriðil en Danir féllu úr leik við tap Íslands gegn Ungverjalandi.
Margir minna á að í síðari hálfleik hafi „slæmi kaflinn“ hafið innreið sína að nýju í leik íslenska liðsins.
„Þetta var svindl, þeir fengu alltaf að skora en við fengum ekkert að skora,“ skrifar Kristinn nokkur og lítur málið sposkum augum.
Hallur Magnússon var óánægður með spænsku dómarana en dómgæslan þótti nokkuð sérkennileg. Hann skrifar:
„Greinilegt að Spánverjar vilja hvorki Dani né Íslendinga í undanúrslit. Ekki það hafi gert útslagið en hjálpaði til.“
„Úbbs þetta er nú meira hrunið hjá okkar mönnum í seinni hálfleik. Herre gud,“ skrifar Páll Valur Björnsson, fyrrverandi knattspyrnumaður og fyrrverandi þingmaður Bjartrar framtíðar.
Heimir Lárusson Fjeldsted, leigubílstjóri og virkur í athugasemdum, sér jákvæða hlið á óförunum og skrifar: „Lélegi leikurinn búinn.“ Við tökum undir með Heimi og vonum að þetta hafi verið slakasti leikur Íslands á EM.
Fleiri slá á létta strengi. Brynjar Jóhannsson skrifar: „Var þetta ekki alveg þess virði að tapa ? Mér fannst allavega gaman að sjá örgu Danina í stúkunni.“
Einar Bárarson grípur til ensku og beinir þessum skilaboðum til Dana: „Denmark … this is what you get when you “forget” to give us points in Eurovision.“