fbpx
Laugardagur 15.ágúst 2020
Fréttir

Guðmundur gleymir ekki martröðinni gegn Ungverjum: „Í leik sem ég mun aldrei gleyma“

Ágúst Borgþór Sverrisson
Þriðjudaginn 14. janúar 2020 15:19

Ekki missa af Helstu tíðindum dagsins í pósthólfið þitt

Lesa nánar

„Já, þeir eru það, þeir hafa verið það í mjög mörg ár,“ sagði Guðmundur Guðmundsson, landsliðsþjálfari Íslands í handbolta, á blaðamannafundi í gærkvöld (Sjá nánar á RÚV), er hann var spurður hvort Ungverjar væru erfiðir andstæðingar. Guðmundur á erfiðar minningar um viðureignir gegn Ungverjum, bæði sem þjálfari Íslendinga og Dana. Guðmundur sagði:

„Þetta eru frábærir handboltamenn og sögufræg handboltaþjóð. Það er mikil hefð þarna og ég lenti í því á móti þeim 2012, í leik sem ég mun aldrei gleyma, að við töpuðum þar eftir tvöfalda framlengingu. Og ég spilaði á móti þeim 2017 með danska landsliðinu og við töpuðum þá.“

Árið 2012 sendi Ísland firnasterkt lið á Ólympíuleikana í London. Liðið lagði meðal annars að velli Svía og Frakka í undanriðli, en þau lið léku síðan til úrslita á mótinu. Ljóst var að Ísland átti möguleika á gulli en leikurinn gegn Ungverjum réð úrslitum um að komast í undanúrslit. En Ungverjar reyndust ólseigir þó að Íslendingar væru sigurstranglegri og unnu að lokum eftir tvöfalda framlengingu. Úrslitin voru gífurleg vonbrigði.

Áhyggjufullur danskur blaðamaður sagði á blaðamannafundinum að áframhaldandi þátttaka Dana héngi á bláþræði og væri upp á það komin að Ísland legði Ungverja að velli. Spurði hann hvort Danir gætu treyst á Íslendinga. Guðmundur benti á að leikurinn væri gífurlega mikilvægur fyrir Íslendinga: „Við höfum okkar markmið á mótinu og það er mjög mikilvægt fyrir okkur að taka tvö stig inn í milliriðilinn. Við ætlum að gera allt sem við getum til að vinna leikinn,“ sagði Guðmundur og fullvissaði Danann um að Íslendingar myndu ekkert gefa eftir.

Mjög mikilvægt er fyrir Ísland að taka með sér tvö stig inn í milliriðilinn. Það eykur möguleika á að komast í undanúrslit á mótinu, sem er raunhæft markmið miðað við frammistöðu íslenska liðsins til þessa á mótinu. Leikur Íslands og Ungverjalands hefst kl. 17:15 á morgun, miðvikudag.

 

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Fréttir
Í gær

Fáséð að sálfræðingar gerist sekir um eins mikla vanþekkingu – „Særandi, niðrandi og beinlínis skaðleg“

Fáséð að sálfræðingar gerist sekir um eins mikla vanþekkingu – „Særandi, niðrandi og beinlínis skaðleg“
Fréttir
Í gær

Segir þátt Samherja brjóta eina helstu siðareglu blaðamanna – „Hverskonar vitleysa er þetta?“

Segir þátt Samherja brjóta eina helstu siðareglu blaðamanna – „Hverskonar vitleysa er þetta?“
Fréttir
Í gær

Icelandair sniðgekk 70 flugfreyjur – Sögusagnir um flugumenn Icelandair innan FFÍ

Icelandair sniðgekk 70 flugfreyjur – Sögusagnir um flugumenn Icelandair innan FFÍ
Fréttir
Í gær

Andlitsgrímur ódýrastar í Costco og Krambúðinni

Andlitsgrímur ódýrastar í Costco og Krambúðinni
Fréttir
Fyrir 2 dögum

Skýrsla eða ekki skýrsla: Verðlagsstofa staðfestir að hafa tekið saman upplýsingarnar

Skýrsla eða ekki skýrsla: Verðlagsstofa staðfestir að hafa tekið saman upplýsingarnar
Fréttir
Fyrir 2 dögum

Sigur og ósigur Gylfa – Landsréttur snýr við frávísun í kynferðisbrotamáli sálfræðings

Sigur og ósigur Gylfa – Landsréttur snýr við frávísun í kynferðisbrotamáli sálfræðings