Björgunarsveitir voru kallaðar út rétt fyrir sex í kvöld vegna konu sem er í sjálfheldu ofarlega í Vífilsfelli, nálægt þjóðveginum við Sandskeið. Þetta kemur fram í tilkynningu frá Landsbjörg.

„Konan virðist vera ein á ferð og ekki slösuð, hún er ágætlega búin að eigin sögn. Í fjallinu er snjór og svellbunkar inn á milli og því þarf að fara öllu með gát.“

Óskað var eftir björgunarfólki með sérþjálfun í björgun í fjallendi. Samkvæmt tilkynningu er mikil áhersla lögð á að tryggja öryggi björgunarmanna sem halda og fjallið sem og konunnar.

Fyrstu hópar björgunarfólks voru komnir að rótum fjalsins 18:46 og eru lagðir af stað upp fjallið. Samkvæmt tilkynningu telja þeir sig sjá til konunnar.