Allmörg dæmi virðast vera um að Íslendingar sem sýkst hafa af COVID-19 hafi ekki myndað mótefni gegn veirunni. Það þýðir að þeir geta sýkst aftur. Um tíu manns hafa birst reynslufrásagnir um slíkt í lokuðum hópi. Þar af var ein kona sem lögð var inn á sjúkrahús.
Sem betur fer er mun algengara að COVID-sýktir myndi mótefni gegn veirunni en það þýðir að þeir geta ekki sýkst af henni aftur. Meðal þekktra Íslendingar sem hafa fengið jákvæða mótefnamælingu undanfarið eru Ingibjörg Dögg Kjartansdóttir, annar ritstjóra Stundarinnar, og Margrét Gauja Magnúsdóttir, leiðsögumaður og fyrrverandi bæjarfulltrúi.
Margrét er ein af þeim sem hafa átt erfitt með að ná heilsu aftur eftir COVID-sýkingu þrátt fyrir að vera laus við veiruna. Margrét var í viðtali við DV vegna þessa í júní.
Margrét virðist vera á meiri batavegi núna en hún vill ekki tjá sig frekar um veikindi sín við fjölmiðla. Hún gaf DV hins vegar leyfi til að birta bréfið sem hún fékk vegna mótefnamælingar sinnar. Þetta staðlaða bréf lítur svona út.
Þórólfur Guðnason sóttvarnalæknir sagði á upplýsingafundi í vor að þeir sem veikjast mikið af COVID-19 myndi sterkara mótefni gegn veirunni en þeir sem eru með minni einkenni.