Fréttablaðið skýrir frá þessu í dag. Myntin sem Wei Li kom með hingað til lands var um 1,6 milljónir í krónum talið að hans sögn. Hún var í misjöfnu ástandi og hluti hennar mikið skemmdur.
„Ég fæ myntina frá myntbraskara úti í Kína. Ég veit ekki hvaðan allt kemur en hluti kemur frá endurvinnslufyrirtæki sem kaupir samanpressaða bíla frá Íslandi. Þar leynist mikið af mynt.“
Hafði Fréttablaðið eftir honum í febrúar. Hann sagði þá að hann greiddi ekkert fyrir myntina nema ef honum tækist að skipta henni hér á landi, þá fengi myntbraskarinn sanngjarnan hlut. Hann sagðist hafa komið hingað tvisvar áður og þá náð að skipta nokkrum milljónum króna í erlendan gjaldeyri.
Wei Li naut lífsins hér á landi fyrir hluta myntarinnar og gaf Samhjálp afganginn áður en hann hélt heim á leið á nýjan leik.
„Ég geri mér fulla grein fyrir því að saga mín hljómaði ótrúlega en hún var samt sönn.“
Sagði hann í samtali við Fréttablaðið nú þegar niðurstaða rannsóknar Royal Mint liggur fyrir.