Þórólfur Guðnason, sóttvarnarlæknir, hvetur almenning á Íslandi til að horfa á fyrirlestur Valtýs Stefánssonar Thors, barnasmitsjúkdómalæknis á Landspítala um COVID-19 og börn.

„Varðandi börn. Eins og komið hefur á daginn þá eru börn almennt í minnihluta smitaðra. Þau verða almennt minna veik ef þau smitast og það eru ekki merki um að börn í áhættuhópum hafi fengið alvarleg einkenni,“ sagði Þórólfur á fundi almannavarnardeildar ríkislögreglustjóra í dag

Í fyrirlestrinum fer Valtýr nokkuð ítarlega um stöðu barna gagnvart sjúkdóminum og gæti því áhorfið létt áhyggjum af foreldrum á þessum fordæmalausu tímum.

FYRIRLESTUR // COVID-19 og börn: Valtýr Stefánsson Thors, barnasmitsjúkdómalæknir from Landspítali on Vimeo.