Þórólfur Guðnason sóttvarnarlæknir segir þróun COVID-19 faraldursins á Íslandi ánægjulega og erum við í dag undir bestu spá samkvæmt spálíkaninu sem hefur verið gefið út. „Við erum að standa okkur betur en líkanið bjóst við“

Ísland er í ákveðinni sérstöðu þar sem búið er að taka sýni úr um 7 prósent þjóðarinnar, og um 5 prósent þjóðarinnar hefur sætt eða er í sóttkví.

Nú smit síðasta sólarhring voru 69. Spáin er enn sú að faraldurinn nái hér hámarki á næstu viku. Sem áður þá benda tölur frá íslenskri erðfagreiningu til þess að samfélagslegt smit hér á landi sá afar lítið.

Þórólfur segir einnig ánægjulegt hversu margir hafi náð sér af sjúkdóminum og hversu margir þeirra sem hafa þurft innlögn á sjúkrahús hafi verið útskrifaðir.

Þórólfur segir tölurnar og þróun faraldursins hér á landi eindregið benda til að aðgerðir til að sporna við útbreiðslu kórónuveirunnar hafi borið árangur.  Yfir því megi gleðjast.