Mbl.is greinir frá þessu en þar segir að Berglind hafi náð að koma sér úr bílnum. Náði hún að taka gaskút úr bílnum sem hefði annars sprungið. Þar segir að Berglind hafi verið á leið heim til sín að grilla steikur en það varð ekkert úr því þar sem steikurnar brunnu allar ásamt bílnum.
Samkvæmt Berglindi þá kom skyndilega upp reykur úr mælaborðinu. Á nokkrum mínútum varð bíllinn alelda en sem betur fer var Berglind ein í bílnum. Hún er þakklát fyrir að enginn hafi slasast en þó var henni brugðið.
Berglind er einn vinsælasti matarbloggari landsins en vefsíða hennar, Gulur rauður grænn og salt, hefur skapað sér sess í matarbloggaraheiminum hér á landi. Þessa dagana starfar Berglind á Landspítalanum sem hjúkrunarfræðingur.