Tilkynnt var um tvö umferðaróhöpp snemma í morgun, að því er fram kemur í skeyti frá lögreglunni á höfuðborgarsvæðinu. Á Bústaðavegi missti ökumaður stjórn á bíl sínum með þeim afleiðingum að hann ók á umferðaskilti og þaðan áfram upp á umferðareyju. Ökumaður slapp án meiðsla.
Þá var einnig tilkynnt um fjögurra bíla árekstur á Reykjanesbraut. Var þar um minniháttar árekstur að ræða og án meiðsla á fólki.