Lögreglan á höfuðborgarsvæðinu fékk tilkynningu um innbrot í íbúðarhús á Kjalarnesi á áttunda tímanum í gærkvöldi. Í dagbók lögreglu kemur fram að farið hafi verið inn í húsið og verðmætum stolið. Ekki kemur fram hverju var stolið eða hvort einhver hafi verið handtekinn í tengslum við málið.
Að öðru leyti var rólegt í umdæmi lögreglunnar á höfuðborgarsvæðinu í gærkvöldi og í nótt. Þrír ökumenn voru teknir úr umferð vegna gruns um akstur undir áhrifum fíkniefna. Einn þessara ökumanna hefur ítrekað verið staðinn að akstri án ökuréttinda og vörslu fíkniefna.
Þá stöðvaði lögreglan ökumann í Jafnarfirði rétt fyrir miðnætti. Bifreið hans reyndist vera ótryggð og voru skráningarnúmerin klippt af.