Veður­á­huga­maðurinn  og nemandi við Háskóla Íslands, Muhammed Emin Kizilkaya, segist hafa verið vakandi frá því klukkan hálf fimm í morgun. Hann keyrir um Reykjavík og skutlar strandaglópum, sem eru nær allir erlendir ferðamenn sem átta sig ekki á stöðunni.

Muhammed birtir á Facebook myndband sem má sjá hér fyrir neðan. Þar segir hann enn fremur: „Ég hef bjargað fjölda fólks hingað til sem hefur fast vegna óveðursins. Fólkið er ekki meðvitað um að borgin er lömuð. Ekkert þeirra var íslenskt. Þetta verður mjög erilsamur morgunn!“

Líkt og fyrr segir þá er Muhammed mikill veðuráhugamaður en í samtali við Fréttablaðið nýverið sagði hann: „Ég held að ég hafi ekki misst af einum einasta stormi síðan ég flutti hingað.“