fbpx
Þriðjudagur 07.apríl 2020
Fréttir

Kennsl borin á höfuðkúpu með DNA rannsókn: Reyndist vera af manni sem féll í Sogið árið 1987

Ritstjórn DV
Fimmtudaginn 23. janúar 2020 15:06

Ekki missa af Helstu tíðindum dagsins í pósthólfið þitt

Lesa nánar

Tekist hefur að bera kennsl á höfuðkúpu manns sem fannst á sandeyrum Ölfusaróss þann 3. október árið 1994. Höfuðkúpan reyndist vera af Jóni Ólafssyni, sem fæddur var 8. júlí 1940, og er talinn hafa fallið í Sogið á aðfangadag 1987. Fjallað er um málið í athyglisverðri frétt á vef lögreglunnar.

Þar segir kúpan hafi fundist norðan Nauteyratanga. Á kúpuna vantaði neðri kjálkann og einungis ein tönn var í efri gómi. Farið var með kúpuna til rannsóknar hjá Kennslanefnd ríkislögreglustjóra og á hennar vegum gerðar þær skoðanir og mælingar sem unnt var miðað við tækni þess tíma. Ekki tókst að bera kennsl á það hverjum umrædd höfðukúpa tilheyrði og var hún því sett í geymslu.

Í frétt lögreglunnar segir að í lok mars á síðasta ári hafi verið ákveðið að reyna á ný og var tekið sýni úr kúpunni til aldursgreiningar. Niðurstaða þeirrar rannsóknar barst í haust og í ljós kom að beinin voru að líkindum frá árunum um og eftir 1970.

„Þá var þess freistað að ná nothæfu DNA sýni úr kúpunni og var það sent rannsóknarstofu í Svíþjóð til greiningar. Niðurstaða úr þeirri greiningu barst svo nú í janúar og þá kom í ljós að um var að ræða höfuðkúpu Jóns Ólafssonar sem fæddur var 8. júlí 1940 og er talinn hafa fallið í Sogið á aðfangadag 1987. Börnum Jóns hefur verið kynnt þessi niðurstaða og munu þau fá þessar jarðnesku leyfar föður síns á allra næstu dögum.“

Í fréttinni kemur fram að Lögreglan á Suðurlandi hafi undanfarin ár tekið DNA sýni úr aðstandendum þeirra sem taldir eru hafa horfið í umdæminu á liðnum árum og hafa ekki fundist. Enn er eftir að fá sýni frá nokkrum einstaklingum og verður þeirri vinnu haldið áfram á þessu ári. Lögreglumönnum við þessa vinnu hefur verið afar vel tekið af þeim sem leitað hefur verið til. Sýnin sem tekin eru eru vörsluð í gagnabanka þar sem unnt verður að bera þau saman við DNA snið þeirra sem finnast, hvort sem það er í okkar tíð eða komandi kynslóða.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 23 klukkutímum

Þetta er myndbandið sem Þórólfur vill að þú horfir á

Þetta er myndbandið sem Þórólfur vill að þú horfir á
Fréttir
Fyrir 23 klukkutímum

Forvitnilegt að sjá hvort COVID-19 faraldurinn nær hámarki í næstu viku

Forvitnilegt að sjá hvort COVID-19 faraldurinn nær hámarki í næstu viku
Fréttir
Í gær

Andlát vegna COVID-19 í Bolungarvík

Andlát vegna COVID-19 í Bolungarvík
Fréttir
Í gær

Kona fannst látin í Hafnarfirði – Tveir handteknir vegna málsins

Kona fannst látin í Hafnarfirði – Tveir handteknir vegna málsins
Fréttir
Fyrir 2 dögum

Appelsínugul viðvörun vegna vonskuveðurs á morgun

Appelsínugul viðvörun vegna vonskuveðurs á morgun
Fréttir
Fyrir 2 dögum

Fyrrverandi COVID-sjúklingur opnar sig um veikindin: „Mér brá verulega“

Fyrrverandi COVID-sjúklingur opnar sig um veikindin: „Mér brá verulega“