Fréttablaðið skýrir frá þessu í dag. Fram kemur að í stefnu á hendur borginni komi fram að uppsögnin sé ekki byggð á fullnægjandi lagagrundvelli þar sem hún byggi á lögum um ríkisstarfsmenn en konan hafi ekki verið ríkisstarfsmaður.
Einnig segir í stefnunni að aldur sé ekki málefnanlegt sjónarmið hvað varðar störf fólks.
„Aldur segir enda ekkert til um það hversu hæfur viðkomandi einstaklingur er til þess að sinna tilteknu starfi. Það er því ómálefnalegt að ákveða að 70 ára fólk geti ekki sinnt starfi af þeirri einu ástæðu að það er orðið 70 ára.“
Einnig segir að þótt heimilt væri að skerða starfsréttindi, sem njóta verndar í stjórnarskránni sem eign, þá þurfi að gæta meðalhófs.
„Ákvörðunin gengur eins langt og harkalega og mögulegt er og skerðir réttindi starfsmanns að öllu leyti án nokkurrar málefnalegrar ástæðu.“
Segir í stefnunni að sögn Fréttablaðsins.