Stórvafasamir menn virðast vera á ferli í Langholtshverfi en frá þessu er grein í FB-hópi hverfisins. Móðir lýsir því hvernig tveir menn, líklega á fertugsaldri, hafi gefið sig á tal við son hennar nálægt Laugalækjarskóla. Þeir sýndu drengnum ljósmynd af vannærðu barni og sögðust verða að safna peningum handa barninu. Drengurinn gaf þeim peninga sem hann var með á sér en mennirnir reyndu að neyða hann til að fara með sér í hraðbanka og leysa út peninga með debet-korti sínu. Tókst drengnum þá að flýja mennina. Komst hann heim og sagði móður sinni frá atvikinu. Birti hún frásögnina í FB-hópnum til að vara aðra foreldra við.
Mennirnir voru enskumælandi og virðast halda til á gistiheimili í hverfinu. Óljóst er af hvaða þjóðerni þeir eru. Annar þeirra var í fölbleiku jakka en nánari lýsingar er ekki að hafa af útliti þeirra.