DV barst í dag ábending símleiðis þess efnis að ráðist hefði verið á konu fyrir utan Vog, meðferðarheimili SÁÁ í Grafarvogi. Árásarmaðurinn var karlmaður. Lögreglan hefur staðfest að atvikið átti sér stað um kl. 14 í dag. Kona og maður áttu í deilum og leiddu til þess að maðurinn lagði hendur á konuna. Lögregla kom á vettvang og handtók manninn.

Lögregla gat ekki staðfest að fólkið hafi verið í meðferð á Vogi en útilokaði ekki tengsl þess við staðinn. Aðspurður neitaði lögreglufulltrúi því að staðsetning árásinnar hafi verið helber tilviljun.

Áverkar á konunni eftir árásina eru ekki taldir vera alvarlegir.