Matvælastofnun varar við neyslu á kjúklingum merktum vörumerkjum Holta, Kjörfugls eða Krónunnar með rekjanleikanúmerunum 003-19-31-201 og 001-19-31-302. Fyrirtækið Reykjagarður ehf. hefur stöðvað dreifingu og hafið innköllun eftir greiningu salmonellu í tveimur sláturhópum í innra eftirliti fyrirtækisins.
Í reglubundnu eftirliti með Salmonellu í kjúklingaslátrun kom upp grunur um að Salmonella hafi greinst í tveimur kjúklingahópum Reykjagarðs.
Um er að ræða kjúkling með rekjanleikanúmerunum 003-19-31-201 og 001-19-31- 302 seldar undir vörumerki Holta, Kjörfugl og Krónan.
Dreifing á afurðum hefur verið stöðvuð og hefur Reykjagarður nú þegar hafið innköllun afurða.
Neytendur sem hafa keypt kjúklinga með þessu rekjanleikanúmeri eru beðnir að skila inn vörunni í viðkomandi verslun eða beint til Reykjagarðs Fosshálsi 1. 110
Reykjavík.
Tekið skal fram að ef áprentuðum leiðbeiningum á umbúðum er fylgt er þessi kjúklingur hættulaus fyrir neytendur, passa þarf að blóðvökvi komist ekki í aðra
matvöru og steikja vel í gegn.
Ekki liggur fyrir grunur um að aðrar afurðir hjá Reykjagarði séu mengaðar af
Salmonellu.
