Til snarpra orðaskipta kom á Alþingi í vikunni þegar nokkrir þingmenn þvert á flokka sökuðu Steingrím J. Sigfússon, forseta Alþingis, um skipulagsleysi þar sem boðað hefði verið til samráðsfundar um skipulagsmál akkúrat á sama tíma og umræða um skattamál fóru fram á þingfundi. Svo fór að Steingrímur byrsti sig við þingmenn. „Forseti segir það sem hann vill segja og þingmenn hlusta,“ sagði Steingrímur og bætti við að ekki væri málfrelsi þegar kæmi að frammíköllum. Þetta blöskraði þingmönnum mjög en það var hins vegar einn sem stóð með forseta og það var Kolbeinn Óttarson Proppé. Hrósaði hann forseta í bak og fyrir og bíður sandkornsskrifari þess nú spenntur að Kolbeinn slái sig enn frekar til riddara forseta með því að færa honum forláta epli, skínandi fínt og fullt af smeðju.