Tilkynnt var um umferðarslys í Tryggvagötu í miðbæ Reykjavíkur um klukkan sex í gærkvöldi samkvæmt dagbók lögreglunnar. Hjólreiðamaður hjólaði aftan á bifreið sem hafði stöðvað og kom sjúkrabifreið á vettvang þar sem hjólreiðamaðurinn hafði fengið höfuðhögg. Ekki vitað nánar um meiðsl hjólreiðamannsins en einhverjar skemmdir urðu á bifreið og hjóli.
Rétt eftir miðnæti stöðvaði lögreglan biðfreið í miðbænum. Ökumaðurinn reyndi að ljúga til um nafn en hann er grunaður um akstur bifreiðar undir áhrifum fíkniefna og ítrekaðan akstur sviptur ökuréttindum. Farþegi í bifreiðinni reyndi einnig að ljúga til um nafn en hann er grunaður um brot á vopnalögum. Rúmlega eit í nótt var bíll stöðvaður á Miklubraut í Reykjavík og ökumaður grunaður um ölvunarakstur.
Í Hafnarfirði voru fjórir ökumenn stöðvaðir milli fimm síðdeigs og rúmlega eitt í nótt, grunaðir um akstur undir áhrifum áfengis eða fíkniefna, eða bæði.
Í Mosfellbæ var síðan tilkynnt um innbrot í samkomuhúsí Mosfellsbæ laust eftir miðnætti. Grunur leikur á að áfengi hafi verið stolið en þjófurinn virðist hafa brotið sér leið inn með að brjóta rúðu.
