Föstudagur 13.desember 2019
Fréttir

Ísland í dag sagt áróður fyrir elítuna: „Ég gubbaði upp í mig“

Ritstjórn DV
Miðvikudaginn 18. september 2019 13:42

Ekki missa af Helstu tíðindum dagsins í pósthólfið þitt

Lesa nánar

Ljóst er að Ísland í dag sem var sýnt í gærkvöldi hefur farið öfugt ofan í suma. Í þættinum var talað við börn umdeildra íslenskra stjórnmálamanna sem kvörtuðu undan óvægni umræðu um feður sína. Sumir telja þáttinn vera áróður en það er bæði fullyrt af fólki innan Pírataspjallsins sem og af Jæja-hópnum.

Sjá einnig: Erfitt að vera sonur Gunnars Braga – Ásmundur hefur grátið í koddann: „Þú venst ekkert svona“

Jæja-samtökin segja markmið þáttarins að telja fólki trú um að það megi gagnrýna elítuna. „Ógeðslegur áróður — Vísir að reyna að normalísera Bjarna Ben og hina skíthælana með því að draga fram börnin þeirra. Þegar þú kúgar og dregur heila þjóð í gegnum áratuga sveltistefnu og nýfrjálshyggju þá máttu alveg búast við því að vera kallaður skíthæll. Það er einfaldlega réttnefni á stjórnmálamenn sem berjast gegn hagsmunum almennings og fyrir hagsmunum hinna ríku. Vísir er elítu-miðill hinna ríku, í eigu hinna ríku. „Í dag gæti ég ekki hugsað mér sjálfur að vera í stjórnmálum.“ — Róbert Gunnarsson. Guði sé lof fyrir það! Sniðgöngum Vísir, Fréttablaðið, MBL, DV, Viljann og Fréttatímann,“ segja samtökin á Facebook.

Innan Pírataspjallsins er þetta viðhorf endurrómað. Erna nokkur deilir frétt Hringbrautar um þáttinn og skrifar: „Hvað finnst ykkur um þennan áróður? Persónulega er ég smá að gubba á mig,“ skrifar Erna. Margir taka undir með henni í athugasemdum. „Ég gubbaði upp í mig,“ skrifar einn maður til að mynda. Gunnar nokkur segir svo: „Einmitt.. það á að halda spilltu, vanhæfu fólki á þingi svo að uppkomin börn þeirra líði ekki illa. Einmitt.“

Hrafn nokkur segir svo mikilvægt að muna að þetta séu opinberar persónur. „Við skulum nú skoða upphafi. Gunnar Bragi er út úr drukkinn á bar á meðan á þingtíma stendur. Hvað hann sagði vita allir. Var Gunnar Bragi að hugsa um son sinn þegar hann let dæluna ganga og kom með ævintýralegar skýringar seinna? Líklega ekki. Var honum sama um umtalið sem kom seinna? Einfaldasta var að segja af sér og hætta. Hann er opinber persóna,“ skrifar hann.

Sumir segja þó að þátturinn í gær hafi verið gott sjónvarp. „Ég var soldið búin að gera mig klára fyrir að finnast þetta meðvirkt og glatað. En þetta var mjög gott sjónvarp. Frosti var ekkert meðvirkur og spurði alveg töff spurninga,“ skrifar Heiða nokkur.

Einn maður segir það hafa verið áberandi að einungis var talað við börn hægrimanna. „Ég skil mjög vel fréttapunktinn hér: Pólitíkusar eru manneskjur eins og við hin, með fjölskyldur og allt. Það sem mér finnst áhugavert er að sjá að hérna eru tekin fyrir einungis börn hægrimanna, þar af tveggja sem hafa sjálfir verið ansi orðljótir og/eða ómálefnalegir og getið sér orðstírs fyrir það. Ljóst er að miðju- og vinstripólitíkusar hafa alveg fengið yfir sig viðlíka skít og því leikur mér aðallega forvitni á að vita hvort að börnum þeirra hafi verið boðið að mæta í þetta viðtal eða hvort þeim hafi fundið það of asnalegt að vera að setja sig í einhvers konar fórnarlambastellingar fyrir svona innslag,“ skrifar hann.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 6 klukkutímum

Torg kaupir eignir Frjálsrar fjölmiðlunar

Torg kaupir eignir Frjálsrar fjölmiðlunar
Fréttir
Fyrir 7 klukkutímum

Voru með fíkniefni innvortis

Voru með fíkniefni innvortis
Fréttir
Fyrir 21 klukkutímum

Hallgrímur rekur rafmagnsleysið til þeirra sem hafi arðrænt samfélagið: Hvenær verður þýfið sótt?

Hallgrímur rekur rafmagnsleysið til þeirra sem hafi arðrænt samfélagið: Hvenær verður þýfið sótt?
Fréttir
Fyrir 23 klukkutímum

Glæpaklíka á Suðurlandi upprætt –„Almennt frekar góður strákur“

Glæpaklíka á Suðurlandi upprætt –„Almennt frekar góður strákur“
Fréttir
Í gær

Pilturinn sem féll í Núpá var að aðstoða bónda við að koma á rafmagni

Pilturinn sem féll í Núpá var að aðstoða bónda við að koma á rafmagni
Fréttir
Í gær

Þjófar létu greipar sópa í Hlíðunum: Brutust inn í fimmtán geymslur

Þjófar létu greipar sópa í Hlíðunum: Brutust inn í fimmtán geymslur
Fréttir
Fyrir 2 dögum

Endurreisn WOW virðist í miklum ólestri – WOW 2.0 hefur ekki greitt kaupverðið og Play borgar ekki laun

Endurreisn WOW virðist í miklum ólestri – WOW 2.0 hefur ekki greitt kaupverðið og Play borgar ekki laun
Fréttir
Fyrir 2 dögum

Aron Leví biðst afsökunar: „Á mér engar málsbætur“

Aron Leví biðst afsökunar: „Á mér engar málsbætur“