Á fyrsta tímanum í nótt var lögreglunni tilkynnt að bláum geisla hafi verið beint að tveimur flugvélum sem voru í aðflugi að Keflavíkurflugvelli. Virtust geislarnir koma frá hverfi í Kópavogi. Lögreglan fann ekki þá sem voru að verki.
Á sjötta tímanum í gær var einn handtekinn í miðborginni grunaður um hnupl.
Skömmu síðar voru tveir mjög ölvaðir útlendingar handteknir í Hafnarfirði en þeir voru ógnandi í hegðun og vildu ekki hlýða fyrirmælum lögreglumanna.
Sex ökumenn voru handteknir í gærkvöldi og nótt grunaðir um að vera undir áhrifum áfengis og/eða vímuefna.
