Lítið hlaup er í gangi í Skaftá núna samkvæmt upplýsingum frá Veðurstofunni. Í tilkynningu kemur fram að rennsli hafi aukist lítillega og rafleiðni hækkað jafnt og þétt síðan fyrir helgi.
„Hlaupið kemur úr Vestari-Skaftárkatli en síðast hljóp úr katlinum í ágúst 2018 og er því ekki búist við að um stórt hlaup verði að ræða. Fólki er bent á að staldra ekki lengi við nálægt upptökum árinnar vegna hugsanlegrar gasmengunnar. Fylgst verður með gangi mála á Veðurstofunni.“