Siggeir F. Ævarsson, framkvæmdastjóri Siðmenntar, vaknaði við það í gær að yfirlýstur nasisti, Arnar Styr Björnsson, var búinn að fótósjoppa mynd hans og bæta getnaðarlim inn á mynd hans. „Skemmtilegt að byrja daginn á að sjá að íslenskur nasisti á Twitter eyddi nóttinni í að photoshoppa hommaklám inn á myndir af mér,“ skrifar Siggeir á Twitter.
Siggeir virðist hafa unnið sér það til sakar að gagnrýna pistil Davíðs Þorlákssonar sem birtist í Fréttablaðinu. Í þeim pistli talaði Davíð fyrir því að tala við nasista á jafningjagrundvelli. Davíð reyndar kallaði nasista „þjóðernisfélagshyggjumenn“ og gagnrýndi Siggeir það á Twitter. „Væri ekki einföld byrjun að kalla þá sínu rétta nafni? Þetta eru einfaldlega nasistar,“ skrifaði Siggeir í fyrradag á Twitter.
Væri ekki einföld byrjun að kalla þá sínu rétta nafni? Þetta eru einfaldlega nasistar.
— Siggeir F. Ævarsson (@siggeirslayer) September 11, 2019
Hann sagði svo: „Þetta eru nasistar sem dýrka Adolf Hitler. Að kalla þá „þjóðernsisfélagshyggju what ever“ spilar beint upp í hendurnar á þeim og gefur í skyn að það sé einhver vigt í þessum skoðunum og þær sé hægt að ræða á rökrænan hátt. Það er enginn umræðugrundvöllur.“
Fyrrnefndur nasisti, Arnar Styr, gerði svo athugasemd í skjóli nætur og fótósjoppaði Siggeir. Arnar Styr er yfirlýstur nasisti og tók þátt í útifundi Norðurvígs á dögunum. „Skemmtilegt. Mér tókst greinilega að stuða nasistann. @davidthorlaks þú kannski tekur boltann og reynir að mæta honum með fræðslu á jafningjagrundvelli,“ skrifar Siggeir.
Arnar Styr virðist þó hafa séð að sér því fyrr í dag eyddi hann myndinni af Twitter. Í stað hennar má þó sjá mynd af Siggeiri grátandi með sleikjó. DV hefur áður fjallaði um hegðun Arnars á Twitter.
— Arnar Styr Björnsson (@EaglesStrife) September 12, 2019