„Okkur langar að biðja ykkur að muna að læsa útidyrum íbúða og húsa ykkar og ef þið farið af bæ að sjá til þess að gluggar séu lokaðir ef búið er á jarðhæð,“ segir lögreglan á Norðurlandi eystra á Facebook-síðu sinni.
Að sögn lögreglu leikur grunur á að óprúttnir aðilar séu nú á ferð um Norðurland en frést hefur af grunsamlegum mannaferðum og fólki að taka í hurðarhúna íbúða.
„Einnig er eitthvað um að fólk sé að banka og spyrja furðulegra spurninga, væntanlega í þeim tilgangi að kanna hvort einhver sé heima. Verum á varðbergi,“ segir lögreglan í færslu sinni.