Sunnudagur 19.janúar 2020
Fréttir

Stórhættulegir hrekkir halda áfram – Jón Haukur reiður – Búið að fjarlægja allar skrúfur af afturdekkinu á hjóli sonar hans

Ágúst Borgþór Sverrisson
Þriðjudaginn 10. september 2019 14:30

Ekki missa af Helstu tíðindum dagsins í pósthólfið þitt

Lesa nánar

„Ég trúði varla mínum eigin augum, að þetta væri að gerast aftur eftir fréttina um Þórunni og það sem kom fyrir son hennar. Ég varð ekkert smá reiður,“ segir Jón Haukur Baldvinsson, fjölskyldufaðir í Garðabænum en sonur hans varð fyrir stórhættulegum hrekki í gær þegar einhverjir losuðu um afturdekkið á reiðhjólinu hans. Fyrir skömmu lenti sonur leikkonunnar Þórunnar Lárusdóttur í samskonar atviki og tvíhandleggsbrotnaði. Jón Haukur hefur heimildir fyrir því að því miður séu þessir stórhættulegu hrekkir útbreiddir.

„Strákinn sakaði ekkert því hann tók sem betur fer eftir þessu nógu snemma. Hann var samt búinn að hjóla dálítinn spöl, strá Stjörnuvellinum í átt að Olís. Þeir hjá GÁP, þangað sem ég fór með hjólið í viðgerð, segja þetta vera allt of algengt.“

Jón hafði verið með syni sínum á Stjörnuvellinum í Garðabæ að fylgjast með úrslitaleik í 4. flokki í knattspyrnu. Töluverður mannfjöldi var að fylgjast með leiknum. Skemmdarverkið virðist hafa átt sér stað á meðan leiknum stóð því þeir urðu varir við það skömmu eftir að þeir lögðu af stað burtu frá vellinum.

„Hann er mjög heppinn að ekki fór fer. En þetta er sem sagt ennþá í gangi að krakkar eru að losa dekk af hjólum þrátt fyrir skelfilegt slys um daginn sem rataði í fréttirnar þegar  drengur varð fyrir því að mölbrotnaði á honum handleggurinn. Foreldrar þurfa að brýna fyrir krökkunum sínum að tékka alltaf á dekkjunum á hjólunum sínum áður en er lagt af stað því því miður eru þarna einhverjir brjálæðingar útí að stunda þessi skemmdarverk,“ segir Jón. Honum finnst mikilvægt að stíga fram og greina frá þessu svo fólk verði meðvitað um þessa hættulegu iðju:

„Já, mér finnst skipta miklu máli að þetta sé í umræðunni því að ég held að besta forvörnin sé að krakkarnir athugi alltaf dekkin á hjólunum sínum áður en er lagt af stað.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 23 klukkutímum

Alvarlegt ástand tveggja pilta sem féllu í sjóinn í Hafnarfirði

Alvarlegt ástand tveggja pilta sem féllu í sjóinn í Hafnarfirði
Fréttir
Í gær

Íslenski kötturinn Millý týndist fyrir 10 árum síðan – Þegar símtalið kom var eigandinn bæði undrandi og glaður

Íslenski kötturinn Millý týndist fyrir 10 árum síðan – Þegar símtalið kom var eigandinn bæði undrandi og glaður
Fréttir
Í gær

Björgólfur syrgir Össa – „Ég kveð góðan stóra bróður með söknuði“ – „Hafði verið að nálgast dauðann jafnt og þétt“

Björgólfur syrgir Össa – „Ég kveð góðan stóra bróður með söknuði“ – „Hafði verið að nálgast dauðann jafnt og þétt“
Fréttir
Í gær

Hin látnu á Sólheimasandi voru kínverskir námsmenn búsettir í Bretlandi

Hin látnu á Sólheimasandi voru kínverskir námsmenn búsettir í Bretlandi
Fréttir
Í gær

Guðleysingi segir prestssyninum til syndanna – „Hvort sem hún er kristin, and-kristin, nýaldartengd eða jafnvel satanísk“

Guðleysingi segir prestssyninum til syndanna – „Hvort sem hún er kristin, and-kristin, nýaldartengd eða jafnvel satanísk“