Framkvæmd var borgaraleg handtaka á manni í annarlegu ástandi í Rimahverfinu, Grafarvogi í dag. Þetta staðfestu sjónarvottar og yfirlögregluþjónn við blaðamann.
Valgarður Valgarðsson, yfirlögreglustjóri staðfesti að um borgaralega handtöku væri að ræða og að maðurinn hafi verið undir áhrifum áfengis eða annara vímuefna. Hann sagði að maðurinn hafi keyrt utan í bíla hjá verslunarmiðstöðinni Spönginni. Þaðan virðist hann hafa keyrt í rimahverfi þar sem handtakan fór fram.
Almennir borgarar á Íslandi hafa heimild til að framkvæma handtöku samkvæmt lögum nr. 19/1991, um meðferð opinberra mála. Í þeim segir að hver sá sem stendur mann að broti sem sætt getur ákæru og varðað getur fangelsi má framkvæma handtöku.
Hér að neðan má sjá myndir af vettvangi en á þeim má sjá handtökuna og bíl þess sem var handtekinn, en bíllinn virðist vera kominn af veginum, út á gras.