Óhætt er að segja tónlistarmaðurinn ástsæli Bubbi Morthens hafi tekið ungan mann í bakaríið í athugasemdakerfi DV. Fréttin fjallaði um framhjáhald Phil Jagielka, stjörnu í ensku úrvalsdeildinni, en honum var hent út af heimili sínu á dögunum.
Undir þá frétt hafði ungur maður skrifað: „Tilhvers að éta soðið slátur heima ef maður getur fengið ungnautafille á flottum veitingastað….“
Bubbi tók þessari athugasemd ekki þegjandi. „Þetta er svo ömurlegt komment og lýsir því hvernig lúðar hlutgera konur. Ef þú átt mömmu á lífi hringdu í hana og segðu mamma fyrirgefðu ég smánaði þig,“ skrifar Bubbi og hlaut hann nærri tvö hundruð læk.
Hinn umdeildi andstæðingur samkynhneigðra, Jón Valur Jensson, svaraði þessari athugasemd. „Æi, Bubbi Morthens , þarftu að vera svona væminn og svona mikill bókstafstrúarmaður á commentin hérna? Heldurðu að Guðni hafi í alvöru meint þetta og um leið verið að „hlutgera allar konur“??!!! En þú stefndir kannski á að fá sæg af lækum fyrir þetta frá femínistum, þær eru komnar núna með sérstakan Facebook-klúbb um að herja á allt sem þeim í sínum últrafemínisma mislíkar!,“ skrifaði Jón Valur en ljóst er að hugmyndir hans hafa minni hljómgrunn, í það minnsta fékk hann ekki mörg læk.
Athugasemd Bubba hefur vakið athygli á Twitter og er honum hrósað þar.
K.O. frá Bubba. Afgreiddur, næsti. pic.twitter.com/pVxXPcMqSL
— Sigurður Már Sig. (@siggim89) August 19, 2019