Íslenskur maður á sjötugsaldri er sagður hafa reynt að ryðjast inn í flugstjórnarklefa á farþegaþotu frá ungverska flugfélaginu Wizz air. Þetta kemur fram á vef TV2 í Noregi. Varðstjóri flugvallarlögreglunnar í Stafangri í Noregi, Kjetil Andersen, segir í samtali við TV2 að lögreglan hafi fengið skilaboð frá áhöfn vélarinnar um að reynt hafi verið að fremja flugrán. Vélinni var nauðlent í Stafangri og maðurinn handtekinn.

Slökkvilið og lögregla voru í viðbragðsstöðu á flugvellinum þegar vélin lenti. Lögreglan skrifaði um málið á Twitter-síðu sína:

„Við höfum tekið höndum karlmann á sextugsaldri. Engan hefur sakað. Við erum að vinna að því að fá á hreint hvað gerðist.“

Flugvélin var á leið frá Ungverjalandi til Íslands en hefur verið kyrrsett í Stafangri í Noregi.