Ekill konu sem lést í skotárásinni í El Paso-borg í Texas-fylki, Bandaríkjunum hefur beðið almenning um að mæta í jarðarför konunnar sinnar. Frá þessu greinir fréttastofa Independent.
Margie Reckard var ein af þeim 22 manneskjum sem létust í skotárásinni þann þriðja ágúst síðastliðinn.
Antonio Basco eiginmaður Margie býður öllum til að mæta í jarðarför hennar, sem fram fer á föstudaginn, vegna þess að eiginkonan var hans eini fjölskyldumeðlimur. Þessum skilaboðum var deilt á Facebook og hafa hundruð manns sagst ætla að mæta og sína Antonio stuðning.
„Þegar að við hittumst í fyrsta skipti kom sértök tilfinning til okkar beggja. Við höfðum verið saman síðan. Við ætluðum að lifa og deyja saman, það var planið okkar.“ sagði Antonio við fréttastofu í El Paso, en þau höfðu verið gift í 22 ár.