fbpx
Laugardagur 19.október 2019  |

DV - Frjáls og óháður miðill

Orðið á götunni

Eplin falla við eikurnar

Fréttir

Nafn mannsins sem féll í Þingvallavatn

Einar Þór Sigurðsson
Þriðjudaginn 13. ágúst 2019 10:12

Ekki missa af Helstu tíðindum dagsins í pósthólfið þitt

Lesa nánar

Maðurinn sem talinn er hafa fallið í Þingvallavatn á laugardag heitir Björn Debecker og er 41 árs gamall. Leit að manninum hefur staðið yfir síðan á laugardag en hlé var gert á henni í gærmorgun.

Fjallað er um málið í belgískum fjölmiðlum en í frétt Nieuwsblad kemur fram að Björn sé frá borginni Leuven sem er skammt austur af Brussel. Hann er verkfræðimenntaður og faðir tveggja barna, að því er segir í frétt Nieuwsblad. Björn er sagður hafa verið einn á ferð hér á landi.

Á laugardag fannst mannlaus kajak og bakpoki í sunnanverðu Þingvallavatni við Villingavatn. Í kjölfarið hófst leit í vatninu en leitað hefur verið úr lofti, láði og legi en án árangurs. Lögreglan á Suðurlandi telur yfirgnæfandi líkur á að hann hafi siglt út á vatnið á kajaknum á laugardag og fallið útbyrðis. Strekkingsvindur hefur verið á svæðinu og aðstæður til siglinga þar af leiðandi ekki góðar.

Talið er að Björn hafi gist á tjaldstæði við norðurenda vatnsins en í tilkynningu sem lögregla sendi frá sér í gær kom fram að ekki liggi fyrir hvaðan hann hélt út á vatnið. Það geri leitarsvæðið stórt og erfitt.

Í fréttum belgískra fjölmiðla kemur fram að aðstandendur mannsins hafi verið látnir vita af málinu um helgina. Þeir hafi ekki heyrt frá honum síðan á laugardag.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Guðrún segir málið grafalvarlegt – „Eftir sitja ríflega 800 manns sem fá enga endurhæfingu“

Guðrún segir málið grafalvarlegt – „Eftir sitja ríflega 800 manns sem fá enga endurhæfingu“
Fréttir
Í gær

Barnaverndanefnd brást börnum Sigurlaugar: „Samkvæmt þessari konu máttu sem sagt ráðast á börnin þín“

Barnaverndanefnd brást börnum Sigurlaugar: „Samkvæmt þessari konu máttu sem sagt ráðast á börnin þín“
Fréttir
Í gær

Ísland komið á gráan lista um peningaþvætti – Í félagsskap með Mongólíu og Simbabve

Ísland komið á gráan lista um peningaþvætti – Í félagsskap með Mongólíu og Simbabve
Fréttir
Í gær

Vatnsflaska olli umferðarslysi

Vatnsflaska olli umferðarslysi