Mánudagur 18.nóvember 2019
Fréttir

Silja var lömuð af hræðslu í rúminu: „Hún nálgaðist mig með miklu afli og lagðist ofan á mig“

Ritstjórn DV
Mánudaginn 8. júlí 2019 17:00

Ekki missa af Helstu tíðindum dagsins í pósthólfið þitt

Lesa nánar

Silja Björk Björnsdóttir, sem hefur vakið athygli fyrir fyrirlestur um þunglyndi og hóf nýverið íslenskt hlaðvarp um merkilegar konur, greinir á Twitter frá vægast sagt óhugnanlegri lífreynslu. Hún upplifaði svokallaða svefnlömun og sá hrollvekjandi ofskynjun.

„Hefur þú upplifað svefnlömun? Einu sinni vaknaði ég og sá stærðarinnar svarta veru í horninu á herberginu. Hún nálgaðist mig með miklu afli og lagðist ofan á mig. Ég náði ekki andanum og klemmdi aftur augun, lömuð af hræðslu. Ég sneri höfðinu, eitt við mætti augnarráði verunnar,“ skrifar Silja Björk.

Í athugasemdum segjast nokkrir hafa lent í þessu og líkjast þær einna helst hryllingsmyndum. „Þegar ég var au pair í Danmörku og bjó í 150 ára gömlu húsi, lenti ég stundum í þessu. Sá enga veru en vaknaði við að það lá einhver á bakvið mig. Gat opnað augun en horfði bara á vegginn og gat ekki hreyft mig. Hætti þegar ég flutti og hefur aldrei gerst síðan,“ segir ein kona.

Önnur kona segist hafa lent í þessu nokkrum sinnum. „Verst var þegar mér fannst einhver svört vera leggja mig saman á hvolf og reyna að brjóta á mér hálsinn. Gat ekkert hreyft mig neitt, vaknaði svo loksins við sjálfa mig að reyna að kalla á hjálp en það komu bara lofthljóð en engin öskur,“ segir hún.

Sú þriðja segir þetta mjög ónotalegt: „Já nokkrum sinnum, bara ef ég legg mig, aldrei að nóttu til. Einu sinni var svört ókunnug vera en hin skiptin stendur einhver nákominn mér (mamma eða unnustinn) en eru samt ekki þau, með mjög óþægilega nærveru. Bilað ónotalegt.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Spurning vikunnar: Hvert er fallegasta orðið í íslenskri tungu?

Spurning vikunnar: Hvert er fallegasta orðið í íslenskri tungu?
Fréttir
Í gær

Samherjamálið ratar í heimspressuna: Ásakanir um mútur valda skjálfta á Íslandi og í Namibíu

Samherjamálið ratar í heimspressuna: Ásakanir um mútur valda skjálfta á Íslandi og í Namibíu
Fréttir
Fyrir 2 dögum

Eldur á Barónstíg – Tveir handteknir á vettvangi

Eldur á Barónstíg – Tveir handteknir á vettvangi
Fréttir
Fyrir 2 dögum

Leitaði ráða hjá Samherja um hvernig ætti að blekkja kvóta út úr Grænlendingum

Leitaði ráða hjá Samherja um hvernig ætti að blekkja kvóta út úr Grænlendingum