fbpx
Sunnudagur 18.ágúst 2019  |

DV - Frjáls og óháður miðill

Sandkorn

Kata fattar

Fréttir

Sema Erla hjólar í Sigmund Davíð

Máni Snær Þorláksson
Þriðjudaginn 23. júlí 2019 16:19

Ekki missa af Helstu tíðindum dagsins í pósthólfið þitt

Lesa nánar

Sema Erla, stofnandi Solaris, hjálparsamtaka fyrir hælisleitendur og flóttafólk á Íslandi, gagnrýnir Áströlsk stjórnvöld og stefnu þeirra í færslu sinni á Facebook.

„Áströlsk stjórnvöld fara fyrir einni grimmilegustu og ómannúðlegustu stefnu í málefnum fólks á flótta sem finna má í dag. Sú stefna, sem ítrekað hefur verið gagnrýnd af mannréttindasamtökum um allan heim, felur meðal annars í sér að meina börnum á flótta um inngöngu í landið. Í stað þess eru börnin hneppt í varðhald og vistuð í flóttamannabúðum á einangruðum eyjum utan Ástralíu, oft mánuðum saman.“ 

Sema segir þessar flóttamannabúðir líkjast helst fangelsi.

„Flóttamannabúðirnar eru útbúnar girðingum með gaddavír og rafmagni, öryggishliðum og myndavélum og líkjast helst fangelsi. Á þessum eyjum hafa börnin nánast engan aðgang að heilbrigðisþjónustu eða menntun, lítið er um afþreyingu á svæðinu og ekki eru nein leiksvæði fyrir börn, leikföng eða bækur að finna þar. Mikið er um óhreindi á svæðinu og veikindi sem fylgja því auk þess sem börnin upplifa þar ofbeldi.“

Börnin greina sjálf frá sjálfsvígstilraunum

Sema talar um niðurstöður rannsókna sem gerðar hafi verið á meðal barnanna sem búa á þessum eyjum. Hún segir að þær sýni fram á að dvölin á eyjunum hafi mjög slæm áhrif á geðheilsu barnanna, velferð þeirra og getu. 

„Vegna fyrri reynslu þeirra eykur slík einangrunarvist hættuna á því að börnin þrói með sér alvarleg geðræn og/eða sálræn vandamál. Í samtölum við rannsakendur lýsa börnin m.a. einkennum kvíða, þunglyndis og áfallastreituröskunar auk þess sem þau lýstu sorg, hræðslu, vonleysi, þjáningum og neyð. Börnin sýna mörg sjálfskaðandi hegðun og hafa greint frá sjálfsvígshugsunum og sjálfsvígstilraunum.“

Sema segir að stefna ástralska stjórnvalda sé grimm, ómannúðleg, ósiðleg, skaðleg og niðurlægjandi.

„Sýnt hefur verið fram á mjög skaðlegar afleiðingar af henni fyrir börn og aðra sem þurfa að upplifa þessa ógeðfelldu meðferð ástralskra stjórnvalda á fólki á flótta. Afleiðingar sem geta fylgt þeim allt þeirra líf.“

Sema gagnrýnir síðan Sigmund Davíð en hann skrifaði pistil í Morgunblaðið um sýndarmennsku í innflytjandamálum. Sigmundur segist vilja líta til staðreynda og raunverulegra lausna ef við viljum raunverulega hjálpa fólki.

Sigmundur talar síðan um stjórnvöldin í Ástralíu en þar var tekin upp sú stefna að stöðva eða snúa við bátum þeirra sem reyndu að smygla fólki í landið.

Sema segir Sigmund Davíð vera að hrósa stefnu ástralskra stjórnvalda og segir stefnuna ógeðfellda auk þess sem hún brýtur á mannréttindum fólks og stangast á við allar alþjóðlegar skuldbindingar. 

„Það er rétt hjá Sigmundi að áströlsk stjórnvöld stöðva alla þá sem reyna að koma sjóleiðina til Ástralíu í leit að skjóli og vernd og meina þeim um inngöngu í landið. Það eru áströlsku eyjurnar hans Sigmundar, sem lýst er hér að ofan, sem bíða þeirra, óháð því hvort um börn eða aðra sé að ræða.“

Sema heldur áfram að tala um Sigmund Davíð og segir hann vera á móti flóttafólki.

„Það er óþarfi að eyða mörgum orðum í aðdáun Sigmundar Davíðs á þessari andstyggilegu meðferð ástralskra stjórnvalda á börnum á flótta. Hann hefur opinberað sig sem fjandsamlegan andstæðing fólks á flótta.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

ASÍ kannaði verð á námsbókum fyrir framhaldsskóla – Hér eru þær ódýrastar

ASÍ kannaði verð á námsbókum fyrir framhaldsskóla – Hér eru þær ódýrastar
Fréttir
Í gær

Ástþór Magnússon ósáttur við aðgerðarleysi lögreglu – „Merkilegt að lögreglan stuðli að svona glæpastarfsemi“

Ástþór Magnússon ósáttur við aðgerðarleysi lögreglu – „Merkilegt að lögreglan stuðli að svona glæpastarfsemi“
Fréttir
Fyrir 2 dögum

Kári segir mistök hafa verið gerð: Íslensk erfðagreining tekur ekki afstöðu í Orkupakkamálinu

Kári segir mistök hafa verið gerð: Íslensk erfðagreining tekur ekki afstöðu í Orkupakkamálinu
Fréttir
Fyrir 2 dögum

Kristín Ýr tjáir sig um uppsögnina: „Jú það er rétt, niðurskurðarhnífurinn náði til okkar“

Kristín Ýr tjáir sig um uppsögnina: „Jú það er rétt, niðurskurðarhnífurinn náði til okkar“
Fréttir
Fyrir 2 dögum

Íslenski flugdólgurinn er Þorbergur Aðalsteinsson – Sparkaði í hurð flugstjórnarklefans

Íslenski flugdólgurinn er Þorbergur Aðalsteinsson – Sparkaði í hurð flugstjórnarklefans
Fréttir
Fyrir 3 dögum

Maður handtekinn á hóteli – Reyndi að flýja og veitti mótstpyrnu

Maður handtekinn á hóteli – Reyndi að flýja og veitti mótstpyrnu
Fréttir
Fyrir 3 dögum

Býður öllum í jarðarför konu sinnar þar sem hún var eini fjölskyldumeðlimur hans

Býður öllum í jarðarför konu sinnar þar sem hún var eini fjölskyldumeðlimur hans