Fimmtudagur 12.desember 2019
Fréttir

Húsbrot og hættuleg árás í Neskaupstað – Ruddust inn í íbúð og ógnuðu með eggvopni

Ágúst Borgþór Sverrisson
Þriðjudaginn 23. júlí 2019 10:28

Ekki missa af Helstu tíðindum dagsins í pósthólfið þitt

Lesa nánar

Snemma á mánudagsmorgun barst lögreglunni í Neskaupstað tilkynning um að brotist hefði verið inn í hús í umdæminu og húsráðendum meðal annars ógnað með eggvopni. Einn maður fékk smávægilega áverka í árásinni, en reyndar ekki vegna eggvopnsins. Lögreglan handtók tvo menn sem eru grunaðir í málinu.

DV hafði samband við Óskar Þór Guðmundsson varðstjóra hjá Lögreglunni á Austurlandi vegna málsins, eftir ábendingu sem borist hafði frá lesanda. Lesandinn hélt því fram að mennirnir hefðu verið með sveðju á lofti en Óskar sagði: „Ja, hvað er sveðja og hvað er hnífur? Þetta var að minnsta kosti stór hnífur.“

Skýrslutökur voru gerðar af mönnunum tveimur í gær og þeim síðan sleppt að þeim loknum. Málsatvik eru talin liggja fyrir og mun lögregla ekki veita frekari upplýsingar vegna málsins, að því er fram kemur í tölvupósti frá lögreglunni. Aðspurður vildi Óskar ekki staðfesta ábendingu lesanda þess efnis að um hafi verið að ræða aðgerð af hálfu handrukkara.

Þess má geta að 14 fíkniefnamál komu upp í umdæmi lögreglunnar á Austurlandi um síðustu helgi, flest í tengslum við LungA, listahátíð ungs fólks, sem haldin var á Seyðisfirði. Þar af eru tvö mál til rannsóknar, en í öðrum tilvikum var um svokölluð neyslumál að ræða.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fyrir 16 klukkutímum

Sandkorn: Svanhildur verður útvarpsstjóri og Bjarni hættir

Sandkorn: Svanhildur verður útvarpsstjóri og Bjarni hættir
Fréttir
Fyrir 17 klukkutímum

Talsverðar líkur á rafmagnstruflunum í dag – Rafmagnslaust á Dalvík síðan í morgun

Talsverðar líkur á rafmagnstruflunum í dag – Rafmagnslaust á Dalvík síðan í morgun
Fréttir
Í gær

Á höfuðborgarsvæðinu virðist veðrið hafa gert mestan óskunda á Seltjarnarnesi og í Vesturbænum

Á höfuðborgarsvæðinu virðist veðrið hafa gert mestan óskunda á Seltjarnarnesi og í Vesturbænum
Fréttir
Í gær

Hvað gerist á morgun og næstu daga? Áfram óveður eða gengur þetta niður?

Hvað gerist á morgun og næstu daga? Áfram óveður eða gengur þetta niður?