Fimmtudagur 12.desember 2019
Fréttir

Hross á Suðurlandi undir áhrifum kannabis: „Höfðu góða matarlyst“

Erla Dóra Magnúsdóttir
Þriðjudaginn 23. júlí 2019 09:38

Ekki missa af Helstu tíðindum dagsins í pósthólfið þitt

Lesa nánar

Hross á Suðurlandi höfðu sýnt fram á undarlega hegðun. Svo undarlega að dýralæknirinn Mia Hellstend taldi jafnvel að um nýjan taugasjúkdóm væri að ræða. Einkennin voru ósamrýmdar hreyfingar, hestarnir titruðu og gengu óeðlilega en voru þó hvorki veiklulegir né með hita. Hins vegar reyndust hestarnir ekki vera veikir. Próf sýndu fram á að þeir hefðu með einhverjum hætti komist í kannabis. Þeir voru því skakkir en ekki eiginlega veikir. Þetta kemur fram í Fréttablaðinu í dag.

Málið er nokkuð gamalt, en það kom upp þegar Katrín Andrésdóttir var héraðsdýralæknir Suðurlands. Hún lét af embætti 2011. Hún staðfesti við Fréttablaðið að grunur um kannabisneyslu hesta hefði komið upp, en vildi ekki tjá sig frekar um málið.

Mia Hellstend, dýralæknir, sagði í samtali við Fréttablaðið að grunurinn hefði vaknað eftir að tiltekin hross fóru að haga sér óeðlilega.

„Það var bara verið að skoða hvað væri að þessum hestum. Þarna lék grunur á um að um væri að ræða nýjan taugasjúkdóm.“ sagði Mia. Hún hafði samband við félag hestadýralækna í Bandaríkjunum og sendi þeim lýsingu á einkennum hestanna sem og myndband af óeðlilegu hegðuninni. „Það komu fram alls kyns tilgátur um taugasjúkdóma. Loks sagði einn að þetta líktist hundi sem hann fékk inn á stofuna hjá sér, og  hafði komist í kannabiskökur eigandans. Þegar prófanir voru gerðar á hestunum kom jákvætt út úr kannabisprófinu.“

Þá var niðurstaðan komin. Hestarnir höfðu með einhverjum hætti komist í haug þar sem kannabisplöntur var að finna. Ekki er vitað að fullu hversu mikið magn hestarnir innbyrtu, en þó nægilega mikið til að þeir fundu fyrir miklum áhrifum. Hrossunum mun þó ekki hafa orðið meint af. „Þeim sem voru að skoða þetta fannst einmitt mjög skrýtið að þó þeir væru með svona mikil einkenni þá höfðu þeir góða matarlyst.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fyrir 17 klukkutímum

Sandkorn: Svanhildur verður útvarpsstjóri og Bjarni hættir

Sandkorn: Svanhildur verður útvarpsstjóri og Bjarni hættir
Fréttir
Fyrir 18 klukkutímum

Talsverðar líkur á rafmagnstruflunum í dag – Rafmagnslaust á Dalvík síðan í morgun

Talsverðar líkur á rafmagnstruflunum í dag – Rafmagnslaust á Dalvík síðan í morgun
Fréttir
Í gær

Á höfuðborgarsvæðinu virðist veðrið hafa gert mestan óskunda á Seltjarnarnesi og í Vesturbænum

Á höfuðborgarsvæðinu virðist veðrið hafa gert mestan óskunda á Seltjarnarnesi og í Vesturbænum
Fréttir
Í gær

Hvað gerist á morgun og næstu daga? Áfram óveður eða gengur þetta niður?

Hvað gerist á morgun og næstu daga? Áfram óveður eða gengur þetta niður?