Hálendisvakt björgunarsveita á svæðinu norðan Vatnajökuls var kölluð út fyrir hádegi vegna ferðamanns sem hafði brotið á sér fótinn. Konan var hluti af stórum hóp þýskra ferðamanna og reyndist hún illa fótbrotin rétt við Herðurbreiðarlindir.
Björgunarsveitin rétti brotið af og er nú verið að flytja hana niður á Þjóðveg en aksturinn mun taka um tvær klukkustundir. Á þjóðveginum mun sjúkrabíll taka á móti konunni og aka henni á sjúkrahús.
Þetta kemur fram í tilkynningu frá Landsbjörg.
