Jarðskjálfti af stærð 3,2 varð kl. 17:16 í dag 11,5 km vestsuðvestan af Landmannalaugum. Jarðskjálftinn er staðsettur í vestanverðri Torfajökulsöskjunni. Nokkrir minni eftirskjálftar hafa mælst. Síðast urðu skjálftar af þessarri stærðargráðu á svæðinu í janúar 2019 og ágúst 2018. Engar tilkynningar hafa borist Veðurstofunni um að fólk hafi fundið skjálftann en ekki er útilokað að ferðafólk á svæðinu hafi orðið vart við hann.