Lögreglan á höfuðborgarsvæðinu hefur lokið rannsókn á bruna á Eggertsgötu þann 9. júlí síðastliðinn. Niðurstaða hennar var að eldur kviknaði út frá logandi sígarettu.
„Rannsókn lögreglu hefur leitt í ljós að eldur kviknaði út frá logandi sígarettu, húsráðandi sofnaði með sígarettu í hönd sem leiddi til þess að það kviknaði í sængurfötum, eldurinn barst fljótt út um íbúðina. Húsráðandi vaknaði sem betur fer og komst út úr íbúðinni í tíma,“ segir í tilkynningu frá lögreglunni.
Niðurstaðan er því að ekkert saknæmt hafi átt sér stað og málið flokkað sem óhappatilvik.