Um eittleytið í nótt var tilkynnt til lögreglu um menn sem voru að slást með rörum í Kópavogi. Lögregla kom á vettvang og handtók annan manninn, var hann vistaður fyrir rannsókn málsins í fangageymslu. Annar maður var hins vegar fluttur til aðhlynningar á slysadeild. Ekki er vitað hve alvarleg meiðsl hans eru.
Þetta kemur fram í dagbók lögreglu. Þar segir frá því að mikið var um útköll vegna partýhávaða í nótt. Mætti lögreglu á staðinn í nokkrum tilvikum og bað fólk um að lækka í tónlist.
Fullorðinn maður kom úr verslun í Vesturbænum með tvo burðarpoka og stal reiðhjóli af unglingi og hjólaði burt. Maðurinn fannst ekki.
Lögegla lokaði þremur vínveitingahúsum í miðborginni í nótt sem ekki hafði verið lokað á réttum tíma, þ.e. klukkan þrjú í nótt.
Margir ökumenn voru stöðvaðir í nótt, grunaðir um akstur undir áhrifum fíknefna.